دنيا دخلت بعضها ... فوضى فوضى فوضى
ماثماش كلمة خير توصف اللّي صار واللّي قاعد يصير
بطالة ... فقر ... ميزيريا ... أحرق روحك ... احتجّ...
وبوليس قهّار
نهار على عمّار
والحبس أحسن أفار
جزيرة شادّة زمام
فايسبوك خدّام
والحجر يا علاّم
صيح عيّط زيّط ...
مايجيش قدّ الخماضة
فرانس 24 تخبّر
والعربية تخبّر
والجزيرة تبخّر وتقول الدخان منين
وتونس 7 تستّر ربّي يحميها مالعين
طلعت لحكاية في اليوتوب ...شعب فاسد مايتوب
كلام زين قلنا نسمعوه نفهموه
أمّا بالزغاريد؟؟ عرس ولّا فيراج؟؟؟
زمّارة ونبايل ونخرج الكرهبة مالجراج؟؟؟
ناس تزمّر
وعباد مشات تزمّر
قلّو يقوّي سعدك قلّو توّا توّا
من شكون باش نلقاوها مالمهفّ اللّي غمّنا بالكلام البايت عالديمقراطية والتعددية والحرية؟
ولا الشعب؟؟ مجنون وزغرتولو في وذنو... يشطح غلى طار بو فلس؟؟
كانك على المعلّم ,فهمنا مخّر شويّا لا ماحالة أمّا الحمد اللّه على هالنعمة
غلّطوه .. اللّه يهلك ولاد لحرام ..لا ينامو ولايخليو شكون ينام
بعد ما ماتوا العباد ..أمّا الخيرة فيما اختاروا ربّي في هالبلاد
......
أمّا الناس ... تحبلهم راس مالنحاس
اللّي موش فاهم روحو؟ شكون يفهمو؟
داخل كبّة خارج قيام
عشرة لتالي وخطوة لقدّام
......
يحتجّ في الصباح يزغرد في الليل
ماكذبتش كي قلت درا شني آخرتها؟
...
How to Play Slots Online - JtmHub
RépondreSupprimerThe game is available for Windows, Mac, 강원도 출장안마 iOS and 부천 출장샵 Android devices. There are also a few 김천 출장샵 other devices that 순천 출장샵 can be played for free and 원주 출장안마 play